منتدى حكمة فلسفة الفاروق الصهرجتاوى ( رحم الله أباه )
اهلا ومرحبا بك عضوا وزائرا فى منتدى حكمة فلسفة الفاروق للموادالفلسفية والقضايا العامة والثقافية يشرفنا أن تكون بيننا عضوا فى المنتدى والله من واء القصد
بحـث
 
 

نتائج البحث
 


Rechercher بحث متقدم

مكتبة الصور


التبادل الاعلاني

االاهمال الطبى الجسيم يقتل حياه ابراهيم ويدخل اليتم على قلب الاسرة

اذهب الى الأسفل

االاهمال الطبى الجسيم يقتل حياه ابراهيم ويدخل اليتم على قلب الاسرة

مُساهمة من طرف ابراهيم فاروق هيكل في الجمعة يونيو 26, 2015 1:08 am

قصه المواطنه حياه ابراهيم خليل ......... وباختصار
حياه ربه منزل متزوجه وعندها بنتين ربنا اكرمها بحمل تالت وكان ولد
دخلت حياه دار الولاده (الماترنتيه) يوم 5/10 على رجليها علشان تولد قيصرى وخرجت من السلخانه .قصدى المستشفى يوم 6/10 وأسمعوا بقا الحكايه
تانى يوم العمليه أو الولاده شعرت حياه بالالام شديده بالبطن وأنتفاخ غير عادى وتضخم بالجزء السفلى من الجسم بشكل غير طبيعى . طبعا حياه رجعت تانى على المستشفى يوم 9/10 الا ان السفاح قصدى الدكتور قالها لالالا
أنتى بتكلمى فى ايه دا كل اللى بيحصلك ده طبيعى جدا من أثار عمليه الولاده خدى بس شويه الملينات دى وشويه العلاجات دى وأنتى حتبيقى زى الفل والمسكينه خدت العلاج الا ان حالتها تدهورت اكتر واكتر وطبعا حياه فى ناحيه
ورضيعها فى ناحيه تانيه خالص لان حالتها لم تكن تسمح بمتابعه رضيعها وعلى فكره الطفل أسمو عمر
المهم بعد ما الحاله اتدهورت تماما طلب منها الجزار عمل أشعه بالصبغه والمصيبه اللى حاول القاتل قصدى الدكتور ان يخفيها بانت وهيا أن الدكتور أثناء عمل العمليه القيصريه عمل قطع فى الامعاء مما تسبب فى وجود كميات من الصديد والماء داخل بطنها وصلت 4 لتر صديد وكل أجهزه الجسم الموجوده فى منطقه البطن أصابها التحلل والتعفن
ونسيت اقولكم أن دار الولاده هيا اللى كانت بتدفع مصاريف الاشعه والتحاليل فى الفتره الاخيره علشان يدارو الفضيحه ولما الوضع بقا خارج السيطره تماما والحاله من سيى الى أسوأ نقلوا المسكينه على مستشفى مبره باكوس علشان تدخل هناك العنايه المركزه وتموت حياه بسبب أهمال طبى شديد يستوجب العقاب
الدكتور أسمو أحمد هانى ولدينا من المستندات أسماء باقى السفاحين الذين أشرفوا على قتل حياه
رساله لكل من يرى هذا المنشور دم حياه معلق فى رقبتك ........ شارك المنشور وريح ضميرك ممكن بكره أختك
أو بنتك تكون هيا اللى عليها الدور يارب يكون في ضمير وحد يهتم

___________________________________________

دى قصة حياة نشرنها قبل كده وجالى اتصالات من كم رهيب من الصحفيين
بيسالو عن الموضوع .... وفجأه كله اختفى
كان الموضوع لم يكن وكان الغلابانه دى ما ماتيتش ,كان ابنها ما فقدش
امه من قبل ما يشوفها
ما اعرفش ليه ,,, الاعلام سكت عن الموضوع
هل لان الدكتور الى عمل لحياة العمليه ايديه طايله وليه ضهر جامد مثلا؟؟
ولا مثلا لانها مش مهمه وايه المشكله ان ست تمووت يلا ما تفرقش !!!
ولا مثلا لان ده العادى فى بلادنا اننا نمووت وماحدش يجيب حقنا !!!

دى قصة حياة ...ودى صورة ابنها الى اتولد من غير ما يشوف امه
ارجو انكم كلكم تشيروها تانى وتالت ورابع لان حق حياة لسه ما جاش
avatar
ابراهيم فاروق هيكل
Admin

عدد المساهمات : 3070
تاريخ التسجيل : 04/11/2010
العمر : 58
الموقع : http://hekmtfalsaftalfarouk.ba7r.org

http://hekmtfalsaftalfarouk.ba7r.org

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى